മസ്കത്ത്: മാനുഷിക മൂല്യങ്ങള്‍ക്കെതിരായ മനുഷ്യക്കടത്തിനെതിരായ യുദ്ധത്തില്‍ തങ്ങള്‍ ഉറച്ചുനില്‍ക്കുന്നുവെന്ന് ഒമാന്‍. യു.എന്‍ യോഗത്തില്‍ സുല്‍ത്താനേറ്റിെന്‍റ സ്ഥിരം പ്രതിനിധി ഡോ. മുഹമ്മദ് അവദ് അല്‍ ഹസന്‍ സംസാരിക്കവെയാണ് ഇക്കാര്യം അറിയിച്ചത്. ഇൗ വിപത്ത് ഇല്ലാതാക്കുന്നതിനായി പ്രത്യേക പ്രാധാന്യം നല്‍കുന്നുണ്ട്. 2008ല്‍തന്നെ രാജ്യത്ത് നാഷനല്‍ കമ്മിറ്റി ഫോര്‍ കോമ്ബാറ്റിങ് ഹ്യൂമന്‍ ട്രാഫിക്കിങ് (എന്‍.സി.സി.എച്ച്‌.ടി) എന്ന ബോഡി രാജ്യത്ത് രൂപവത്കരിച്ചിരുന്നു.
മനുഷ്യക്കടത്തിനെതിരെ അവബോധം വളര്‍ത്തുന്നതിനും ഉന്മൂലനം ചെയ്യുന്നതിനുമുള്ള മാര്‍ഗങ്ങള്‍ നിര്‍ദേശിക്കുന്നതിനുമായി വിവിധ പരിപാടികള്‍, വര്‍ക്ക്ഷോപ്പുകള്‍, സിമ്ബോസിയങ്ങള്‍, കോണ്‍ഫറന്‍സുകള്‍ എന്നിവ ഇതിലൂടെ നടപ്പാക്കിവരുന്നുണ്ട്. നിയമവഴികളിലൂടെ ഇൗ വിപത്തിനെ ഇല്ലാതാക്കുകയാണ് ഉദ്ദേശിക്കുന്നതെന്നും അദ്ദേഹം പറഞ്ഞു. മനുഷ്യക്കടത്ത് ചെറുക്കുന്നതിന് സ്വകാര്യമേഖലയുമായും പൗരസമൂഹ സ്ഥാപനങ്ങളുമായും സഹകരിച്ച്‌ നടപ്പാക്കിയ വിവിധ പദ്ധതികളെ കുറിച്ചും അദ്ദേഹം സംസാരിച്ചു.
