ദുബായ്: എക്‌സ്‌പോ 2020 ലേക്ക് സൗജന്യ പ്രവേശനം. യുഎഇ ദേശീയ ദിനത്തോട് അനുബന്ധിച്ചാണ് സൗജന്യ പ്രവേശനം പ്രഖ്യാപിച്ചത്.
എക്‌സ്‌പോയിലെ മെഗാഷോയില്‍ സൗജന്യമായി പങ്കെടുക്കാനുള്ള അവസരമാണ് ഒരുക്കിയിരിക്കുന്നത്.
ഡിസംബര്‍ 2 ന് എക്സ്പോയില്‍ സൗജന്യ സന്ദര്‍ശനം നടത്താം. യുഎഇിയുടെ 50 -ാം ദേശീയ ദിനമാണ് ഡിസംബര്‍ രണ്ടിന്. നാല് ചതുരശ്ര കിലോമീറ്ററിലധികം വ്യാപിച്ചുകിടക്കുന്ന ലോക മേള 190 ല്‍ അധികം രാജ്യങ്ങളില് നിന്നുള്ളവരെയാണ് സ്വാഗതം ചെയ്തത്. എക്‌സ്‌പോ വേദി സന്ദര്‍ശിക്കുന്നതിനായുള്ള നവംബര്‍ വീക്ക് ഡേ പാസിന്റെ വില്‍പ്പന വര്‍ധിക്കുന്നുണ്ടെന്നും അധികൃതര്‍ അറിയിച്ചു. 2022 മാര്‍ച്ച്‌ 31 നാണ് ദുബായ് എക്‌സ്‌പോ 2020 അവസാനിക്കുന്നത്.
