കുവൈത്ത് സിറ്റി: കേരള ആര്ട്ട് ലവേഴ്സ് അസോസിയേഷൻ കല കുവൈത്ത് കഴിഞ്ഞ 32 വര്ഷമായി നടത്തി വരുന്ന സാംസ്കാരിക ദൗത്യമായ സൗജന്യ മാതൃഭാഷ പഠന പദ്ധതിയുടെ ഭാഗമായുള്ള അവധിക്കാല മാതൃഭാഷ ക്ലാസുകള് ആരംഭിച്ചു.
കല കുവൈറ്റ് മാതൃഭാഷ സമിതിയുടെ നേതൃത്വത്തില് അബ്ബാസിയ, ഫഹാഹില്, അബൂ ഹലീഫ, സാല്മിയ മേഖലകളിലായി 25 ല് അധികം ക്ലാസുകളാണ് ആദ്യ ഘട്ടത്തില് ആരംഭിച്ചിട്ടുള്ളത്.
കല കുവൈത്ത് ജനറല് സെക്രട്ടറി രജീഷ് സി, പ്രസിഡന്റ് ശൈമേഷ് കെ കെ, ജോയിന്റ് സെക്രട്ടറി പ്രജോഷ്, മാതൃഭാഷ കേന്ദ്ര സമിതി ജനറല് കണ്വീനര് അനൂപ് മങ്ങാട്ട്, കല കുവൈറ്റ് മേഖലാ സെക്രട്ടറിമാര്, കേന്ദ്ര കമ്മിറ്റി അംഗങ്ങള് മാതൃഭാഷ സമിതി ഭാരവാഹികള് തുടങ്ങിയവര് വിവിധ ക്ലാസുകള് ഉദ്ഘാടനം ചെയ്തു, കൂടുതല് ക്ലാസുകളിലേക്കുള്ള രജിസ്ട്രേഷൻ തുടരുന്നു.
രജിസ്റ്റര് ചെയ്യാനുള്ള ലിങ്ക്: https://forms.gle/9AGVHh9P5EvZsRpW6 .
കൂടുതല് വിവരങ്ങള്ക്ക് ;90039594 , 95535413 , 51711055
അബ്ബാസിയ – 66646578, സാല്മിയ – 94493263, അബുഹലീഫ – 67065688, ഫഹാഹീല് – 97212481