കുവൈത്ത് സിറ്റി: പൊതുമേഖലയിലെ ജോലി അവസരങ്ങള്‍ കുവൈത്തി പൗരന്മാര്‍ക്കായി മാത്രമായി പരിമിതപ്പെടുത്തണമെന്ന് പാര്‍ലമെന്റ് സ്പീക്കര്‍ അഹമ്മദ് അല്‍-സദൂണ്‍.
ഇതുസംബന്ധിച്ച നിര്‍ദേശം അദ്ദേഹം ദേശീയ അസംബ്ലിയില്‍ സമര്‍പ്പിച്ചു. യോഗ്യതയുള്ള കുവൈത്തികളെ ലഭിച്ചില്ലെങ്കില്‍ മാത്രമേ പകരം പ്രവാസി തൊഴിലാളികളെ പരിഗണിക്കാവൂ.
അതോടൊപ്പം സമാനമായ ജോലികള്‍ ചെയ്യുന്ന സ്വദേശി തൊഴിലാളികളുടേതിനേക്കാള്‍ ഉയര്‍ന്ന ശമ്ബളം ഇവര്‍ക്ക് നല്‍കരുതെന്നും അല്‍-സദൂണ്‍ നിര്‍ദേശിച്ചു. രാജ്യത്തിന്റെ പുരോഗതിക്കും സാമ്ബത്തിക അഭിവൃദ്ധിക്കും സ്വദേശിവത്കരണം ശക്തി പകരും. ഇതിലൂടെ പൗരന്മാര്‍ക്ക് കൂടുതല്‍ തൊഴിലവസരങ്ങള്‍ സൃഷ്ടിക്കാനും പ്രവാസി തൊഴിലാളികളെ ആശ്രയിക്കുന്നത് കുറക്കാനും കഴിയുമെന്ന് അല്‍-സദൂണ്‍ പറഞ്ഞു.
