കുവൈത്ത് സിറ്റി∙ രാജ്യത്തെ തൊഴിലിടങ്ങളില്‍ സ്ത്രീ പുരുഷ സമത്വം ഉറപ്പാക്കുന്ന പ്രഖ്യാപനത്തില്‍ 30 സ്വകാര്യ കമ്ബനികള്‍ ഒപ്പുവച്ചു.
സുപ്രീം പ്ലാനിങ് കൗണ്‍സില്‍ സെക്രട്ടറിയറ്റ് യുഎന്‍ ഡവലപ്മെന്‍ന്‍റ് പ്രോഗ്രാമിന്റെ സഹകരണത്തോടെ സര്‍ക്കാര്‍- സ്വകാര്യ സ്ഥാപനങ്ങളെ പങ്കെടുപ്പിച്ച്‌ നടത്തിയ പരിപാടിയിലായിരുന്നു പ്രഖ്യാപനം.
സാമ്ബത്തികമായും സാമൂഹികമായും സ്ത്രീ ശാക്തീകരണത്തിന് രാജ്യം നടത്തുന്ന പരിശ്രമങ്ങള്‍ ലോകം അംഗീകരിക്കുന്നുവെന്ന് ചടങ്ങില്‍ അറബ് രാജ്യങ്ങള്‍ക്കായുള്ള യുഎന്‍ വനിതാ റീജനല്‍ ഓഫീസ് ഡപ്യൂട്ടി റീജനല്‍ ഡയറക്ടര്‍ ജന്നകി വാന്‍ ദെര്‍ ഗ്രാഫ് കുക്‌ലെര്‍ വ്യക്തമാക്കി .സ്ത്രീകള്‍ക്കെതിരെയുള്ള
എല്ലാതരം വിവേചനങ്ങളും ഇല്ലായ്മ ചെയ്യുന്നതിന് 1995 ല്‍ യുഎന്‍ അംഗീകരിച്ച നിലപാടിനോട് സഹകരിച്ചുള്ള പ്രവര്‍ത്തനമാണ് കുവൈത്തിന്റേതെന്നും കുക്‌ലര്‍ പറഞ്ഞു.
പൊതുമേഖലയിലും സ്വകാര്യമേഖലയിലും വനിതകള്‍ക്ക് അംഗീകാരം നല്‍കുന്നതില്‍ മേഖലയിലെ മികച്ച മാതൃകയാണ് കുവൈത്ത്. നേതൃസ്ഥാനങ്ങളില്‍ കുവൈത്ത് വനിതകള്‍ക്ക് സ്ഥാനമുണ്ട്.
