കുവൈത്ത് സിറ്റി: കുവൈത്തില് ഇത്തവണ ശൈത്യകാല തമ്ബുകള്ക്കായുള്ള അപേക്ഷ കുറവ്. കഴിഞ്ഞവര്ഷം കോവിഡ് പശ്ചാത്തലത്തില് തമ്ബുകെട്ടാന് അനുമതി നല്കാതിരുന്നതോടെ അനധികൃതമായി പലരും തമ്ബ് നിര്മിച്ചു.
5000ത്തിലേറെ അനധികൃത തമ്ബുകളാണ് മുനിസിപ്പാലിറ്റിയുടെ നേതൃത്വത്തില് കഴിഞ്ഞവര്ഷം പൊളിച്ചുനീക്കിയത്. എന്നാല്, പൊതുവില് കോവിഡ് ആളുകളെ പുറത്തുപോകുന്നതില്നിന്ന് പിന്തിരിപ്പിക്കുന്നുവെന്നാണ് ഇത്തവണത്തെ കുറഞ്ഞ അപേക്ഷ നല്കുന്ന സൂചന. തണുപ്പ് ശക്തമാകുന്നതോടെ കൂടുതല് പേര് തമ്ബുകെട്ടാന് മുന്നോട്ടുവരുമെന്നാണ് പ്രതീക്ഷ. 300 ദീനാര് ഇന്ഷുറന്സ് തുക ആളുകളെ പിറകോട്ടടിപ്പിക്കുന്നതായ വിലയിരുത്തലിെന്റ അടിസ്ഥാനത്തില് ഇത് 100 ദീനാര് ആയി കുറക്കാന് ഏകദേശ ധാരണയായിട്ടുണ്ടെന്ന് മുനിസിപ്പാലിറ്റി വൃത്തങ്ങള് പറയുന്നു. ഫീസ് കുറക്കണമെന്ന ശൈത്യകാല തമ്ബ് കമ്മിറ്റിയുടെ ശിപാര്ശ മന്ത്രിയുടെ അംഗീകാരത്തിന് കാത്തിരിക്കുകയാണ്. ഇന്ഷുറന്സ് ഫീസ് കൂടാതെ 50 ദീനാര് രജിസ്ട്രേഷന് ഫീസും നല്കണം.
21 വയസ്സിന് മുകളിലുള്ളവര്ക്ക് തമ്ബിന് അപേക്ഷിക്കാം. കുവൈത്തികള്ക്കും വിദേശികള്ക്കും അപേക്ഷിക്കാന് അനുമതിയുണ്ട്. മുനിസിപ്പാലിറ്റിയുടെ ഔദ്യോഗിക വെബ്സൈറ്റായ www.baladia.gov.kw യിലൂടെയാണ് ഫീസ് അടക്കേണ്ടത്. കെട്ടുന്ന സ്ഥലം, അപേക്ഷകെന്റ വിവരങ്ങള് (പേര്, സിവില് ഐഡി നമ്ബര്), പേമെന്റ് വിവരങ്ങള് എന്നിവയാണ് പ്രധാനമായും നല്കേണ്ടത്. നിബന്ധനകള് പാലിച്ചവര്ക്ക് മാത്രമേ തമ്ബുകെട്ടാനുള്ള അനുമതി നല്കൂവെന്ന് അധികൃതര് അറിയിച്ചു. നവംബര് 15 മുതല് മാര്ച്ച് 15 വരെയാണ് ശൈത്യകാല തമ്ബുകള്ക്ക് അനുമതി.
രാജ്യത്തെ കോവിഡ് സാഹചര്യം വിലയിരുത്തി ആരോഗ്യമന്ത്രാലയം അനുമതി നല്കിയതോടെയാണ് മുനിസിപ്പാലിറ്റി തമ്ബ് ലൈസന്സ് വിതരണവുമായി മുന്നോട്ടുപോകാന് തീരുമാനിച്ചത്. നാലുമാസമാണ് മരുപ്രദേശങ്ങളിലും മറ്റും തണുപ്പ് ആസ്വാദന തമ്ബുകള് പ്രവര്ത്തിപ്പിക്കാന് അനുമതി നല്കാറുള്ളത്.