പൊതുഗതാഗത രംഗത്ത് കൂടുതല്‍ മാറ്റങ്ങള്‍ വരുത്താനൊരുങ്ങി ഒമാന്‍. ഗതാഗത മേഖലയില്‍ വ്യത്യസ്ത പദ്ധതികള്‍ ഗതാഗത, വാര്‍ത്താ വിനിമയ,വിവരണ മന്ത്രാലയം പ്രഖ്യാപിച്ചു.മസ്‌കത്തില്‍ മെട്രോ ലൈന്‍, ജല ടാക്സികള്‍, മസീറയില്‍ പാലം, റെയില്‍ പദ്ധതി തുടങ്ങിയവയുടെ പ്രാരംഭ പ്രവര്‍ത്തനങ്ങള്‍ ആരംഭിച്ചതായി മന്ത്രി സഈദ് ബിന്‍ ഹമൂദ് അല്‍ അലി പറഞ്ഞു.
മസ്‌കത്തില്‍ മെട്രോ പദ്ധതിക്കായി നിലവില്‍ പഠനം നടക്കുകയാണ്. പദ്ധതി ഒരുക്കുന്നതിനുള്ള സാധ്യതകളെ കുറിച്ച്‌ പ്രാഥമിക റിപ്പോര്‍ട്ട് ലഭിച്ചു. സാധ്യതാ പഠനങ്ങള്‍ക്ക് ശേഷം അന്തിമ റിപ്പോര്‍ട്ടിന് പരിശോധിച്ച്‌ പദ്ധതിക്ക് രൂപകല്‍പന നല്‍കുന്നതിനെ കുറിച്ച്‌ ആലോചിക്കും. ട്രെയിന്‍ പദ്ധതിയുമായി ബന്ധപ്പെട്ട കാര്യങ്ങള്‍ സജീവ പരഗണനയിലാണെന്നും മന്ത്രി പറഞ്ഞു.
