കുവൈത്ത് സിറ്റി: സൂഖ് ശര്‍ഖില്‍ അധികൃതര്‍ നടത്തിയ സുരക്ഷ പരിശോധനയില്‍ നിരവധി പേര്‍ പിടിയില്‍ .ജയിലില്‍ സ്ഥലത്തിന്റെ അഭാവത്തില്‍ താല്‍ക്കാലികമായി നിര്‍ത്തിവെച്ച പരിശോധന അധികൃതര്‍ പുനരാരംഭിക്കുകയായിരുന്നു.
നവംബറില്‍ നാടുകടത്തല്‍ കേന്ദ്രത്തില്‍നിന്ന് രണ്ടായിരത്തിലേറെ പേരെ സ്വന്തം രാജ്യത്തേക്ക് അയച്ചു. ജയിലില്‍ ആളുകുറയുന്നതിനനുസരിച്ച്‌ ഒറ്റപ്പെട്ട പരിശോധനകളാണ് നിലവില്‍ നടത്തിവരുന്നത്. 180000 ത്തിലേറെ അനധികൃത താമസക്കാര്‍ രാജ്യത്തുണ്ട്.
വ്യാപക പരിശോധന നടത്തി ഇവരെ പിടികൂടി തിരിച്ചുവരാന്‍ കഴിയാത്ത വിധം സ്വന്തം നാടുകളിലേക്ക് കയറ്റിയയക്കണമെന്ന് തന്നെയാണ് അധികൃതരുടെ തീരുമാനം. എന്നാല്‍ കോവിഡ് പശ്ചാത്തലത്തിലെ യാത്രാനിയന്ത്രണങ്ങള്‍ കാരണം വേഗത്തില്‍ നാട്ടിലയക്കാന്‍ തടസങ്ങള്‍ നിരവധിയാണ് . ഒരു വിമാനത്തില്‍ അയക്കാവുന്നവരുടെ എണ്ണത്തിലും ഇപ്പോഴത്തെ സാഹചര്യത്തില്‍ നിയന്ത്രണങ്ങളുണ്ട്.
