ആദ്യ ഇലക്ട്രിക്ക് കാര് അവതരിപ്പിച്ച് ഒമാന്. ഒമാന് ടെക്നോളജി ഫണ്ടിന്റെ സഹകരണത്തോടെ മെയ്സ് മോട്ടോഴ്സ് കമ്ബനിയാണ് കാര് നിര്മിക്കുന്നത്.അല്ബുസ്താന് പാലസിലെ റിറ്റ്സ്-കാള്ട്ടണ് ഹോട്ടലില് നടന്ന ചടങ്ങിലാണ് ഇലക്ട്രിക്ക് കാര് അവതരിപ്പിച്ചത്.
ആദ്യ 100 വാഹനങ്ങള്ക്കുള്ള ബുക്കിങ് ഇതിനകം പൂര്ത്തിയായി. പുതിയ കാറുകള് ഇറക്കുന്നതിന്റെ ഭാഗമായി ആദ്യഘട്ടത്തില് 300 വാഹനങ്ങള് നിര്മിക്കുമെന്നാണ് കരുതുന്നത്. ഇതില് ഇനി 150ല് താഴെ കാറുകള് മാത്രമാണ് ഉല്പ്പാദിപ്പിക്കാനുള്ളത്.
4.9 സെക്കന്ഡിനുള്ളില് പൂജ്യം മുതല് 100 കി.മീറ്റര് വരെ വേഗതിയില് സഞ്ചരിക്കാനാകുമെന്ന് കമ്ബനി അവകാശപ്പെടുന്നു. കാറിന്റെ പരമാവധി വേഗത മണിക്കൂറില് 280 കി.മീറ്റര് ആയിരിക്കും.പൂര്ണമായും കാര്ബണ് ഫൈബറിലാണ് ബോഡി നിര്മിച്ചിരിക്കുന്നത്. പദ്ധതി വിപുലീകരണത്തിന്റെ ഭാഗമായി കൂടുതല് നിക്ഷേപക പങ്കാളിത്തത്തിനും കമ്ബനി അവസരമൊരുക്കിയിട്ടുണ്ട്. ആഗോള വിപണിയിലും തങ്ങളുടെ ഇ-വാഹനങ്ങള് വില്ക്കാന് കമ്ബനി ലക്ഷ്യമിടുന്നുണ്ട്.