ലണ്ടൻ: കേരള സർക്കാരിന്റെ ആഭിമുഖ്യത്തിൽ കേരള ടൂറിസം ക്ലബിന്റെ ‘ഇന്റർനാഷണൽ ടൂറിസം ക്ലബ്’ പ്രഥമ മീറ്റിംഗ് ലണ്ടനിൽ വെച്ച് നടന്നു.
കേരളത്തിലെ ടൂറിസം വികസനത്തിനായി വിദേശ രാജ്യങ്ങളിൽ റിക്രൂട്ട് ചെയ്യുകയും, വിദ്യഭ്യാസ ആവശ്യത്തിനായി വിദേശങ്ങളിൽ ഉള്ളവരെയും യോജിപ്പിച്ചു കൊണ്ട് കേരളം ടൂറിസം അംബാസഡർമാരായി കൂടുതൽ വിദേശികളിലേക്ക് കേരള ടൂറിസത്തെ പരിചയപ്പെടുത്താനുള്ള മാർഗങ്ങളെ കുറിച്ചുള്ള ചർച്ചകൾ നടന്നു. കേരളത്തിൽ അത്യാവശ്യമായി ടൂറിസം മേഖലയിൽ വരേണ്ട അടിസ്ഥാന സൗകര്യ വികസനത്തെ കുറിച്ചുള്ള ചർച്ചകളും നടന്നു.
മുഖ്യാതിഥി കേരള ടൂറിസം മന്ത്രി മുഹമ്മദ് റിയാസ് (Minister for Tourism, Youth Affairs and PWD) പരിപാടിയിൽ സംസാരിച്ചു. ടൂറിസം ഡയറക്ടർ പി. ബി. നുഹ് IAS, പ്രിൻസിപ്പൽ സെക്രട്ടറി കെ.എസ് ശ്രീനിവാസ് IAS എന്നിവർ കേരള ടൂറിസം ബോർഡിന്റെ ഭാവി പദ്ധതികളെ കുറിച്ച് വിശദീകരിച്ചു. നമിത് ലാൽ (Kerala Tourism Club Representative UK) നന്ദി പറഞ്ഞു. ‘Bizconic’ ഡയറക്ടർ ഷംജിത്ത് എറത്താലി, ‘Study Links International’ ഡയറക്ടർ ഫാസിൽ യൂസഫ് എന്നിവരായിരുന്നു പരിപാടിയുടെ സംഘാടകർ.