കുവൈത്ത് സിറ്റി | കുവൈത്തില് കൊവിഡ് പശ്ചാത്തലത്തില് നിര്ത്തിവച്ചിരുന്ന കുടുംബ സന്ദര്ശക വിസകള് ഉടന് പുനരാരംഭിച്ചേക്കും.
ഇതുമായി ബന്ധപ്പെട്ട വിവരങ്ങള് ആഭ്യന്തര മന്ത്രാലയം വരും ദിവസങ്ങളില് പുറത്തു വിടുമെന്നാണ് റിപ്പോര്ട്ടുകള് സൂചിപ്പിക്കുന്നത്. സന്ദര്ശക വിസയില് വരുന്നവര് കുവൈത്ത് അംഗീകരിച്ച വാക്സിന് എടുത്തവരായിരിക്കണമോ, ആണെങ്കില് അതിന്റെ ആധികാരികത എങ്ങിനെ ഉറപ്പാക്കും തുടങ്ങിയ കാര്യങ്ങള് സിവില് വ്യാമോയാനം, ആരോഗ്യ മന്ത്രാലയം എന്നിവയുമായി ബന്ധപ്പെട്ട ഏജന്സികള് ആണ് തീരുമാനിക്കേണ്ടത്.
ചര്ച്ചകള് കഴിഞ്ഞാല് സന്ദര്ശക വിസകള് നല്കി തുടങ്ങുമെന്നാണ് മന്ത്രാലയ വൃത്തങ്ങളില് നിന്നും അറിയാനാകുന്നത്. രണ്ടു വര്ഷമായി കുവൈത്തില് സന്ദര്ശക വിസകള് നിര്ത്തിവച്ചിരിക്കുകയാണ്.