മസ്കത്ത്: ഐ.സി.എസ് മസ്കത്ത് ഗാല ഹോട്ട് ബര്‍ഗര്‍ ബില്‍ഡിങ്ങില്‍ ‘നേതൃ സ്മൃതി’ എന്ന പേരില്‍ കേരള സംസ്ഥാന ജംഇയ്യത്തുല്‍ ഉലമാ മുൻ പ്രസിഡൻറ് എൻ.കെ. മുഹമ്മദ് മൗലവി, മുശാവറ അംഗമായിരുന്ന പുല്ലൂര്‍ അബ്ദുറഹീം ബാഖവി, എസ്.വൈ.എഫ് നേതാവായിരുന്ന പി.ടി ആലിക്കോയ മൗലവി എന്നിവരുടെ അനുസ്മരണ ചടങ്ങ് സംഘടിപ്പിച്ചു.
എസ്.വൈ.എഫ്സ്റ്റേറ്റ് സെക്രട്ടറി സ്വദക്കത്തുല്ല മുഈനി കാടാമ്ബുഴ ഉദ്ഘാടനം ചെയ്തു. മത പണ്ഡിതന്മാര്‍ ഭൗതിക താല്‍പര്യങ്ങള്‍ക്ക് കീഴ്പ്പെടുന്നത് സമൂഹത്തിന്റെ ധാര്‍മിക പതനത്തിന് വഴിവെക്കുമെന്ന് അദ്ദേഹം ഉണര്‍ത്തി.
ചടങ്ങില്‍ ഐ.സി.എസ് മസ്കത്ത് ഉപദേശക സമിതി ചെയര്‍മാൻ അബ്ദുല്ലവഹബി വല്ലപ്പുഴ അധ്യക്ഷതവഹിച്ചു. അബൂബക്കര്‍ തുടിമുട്ടി, ജാബിര്‍ നാദാപുരം, ആരിഫ് പള്ളിയത്ത് എന്നിവര്‍ സംസാരിച്ചു.സെക്രട്ടറി യൂനുസ് വഹബി വലകെട്ട് സ്വാഗതവും സി.പി. അയ്യൂബ് നന്ദിയും പറഞ്ഞു.
