തിരുവനന്തപുരം: കേരളത്തില് വനിതാ കളക്ടര്മാര് ഭരിക്കുന്ന ജില്ലകളുടെ എണ്ണം പത്തായി. 14 ജില്ലകളില് 10 ജില്ലകളും ഇപ്പോള് ഭരിക്കുന്നത് വനിതാ കളക്ടര്മാരാണ്.
നേരത്തേ ഒമ്ബത് ഉണ്ടായിരുന്നത് ആലപ്പുഴ കളക്ടറായി ഡോ രേണു രാജിനെ ബുധനാഴ്ച നിയമിച്ചതോടെ പത്താകുകയായിരുന്നു. ഇത് സംസ്ഥാനത്തിന്റെ റെക്കോര്ഡ് നേട്ടം തന്നെയാണ്. ആദ്യമായാണ് ഇത്തരമൊരു സ്ത്രീ മുന്നേറ്റം കേരളത്തിലുണ്ടാകുന്നത്.
തിരുവനന്തപുരത്ത് നവ്ജ്യോത് ഖോസ, കൊല്ലം ജില്ലയില് അഫ്സാന പര്വീന്, പത്തനംതിട്ടയില് ഡോ.ദിവ്യ എസ്. അയ്യര്, ആലപ്പുഴയില് ഇനി മുതല് ഡോ.രേണുരാജ്, കോട്ടയത്ത് ഡോ.പി.കെ. ജയശ്രീ, ഇടുക്കിയില് ഷീബ ജോര്ജ്, തൃശൂര് ജില്ലയില് ഹരിത വി. കുമാര്, പാലക്കാട് മൃണ്മയി ജോഷി, വയനാട് എം.ഗീത, കാസര്കോട് ജില്ലയില് ഭണ്ഡാരി സ്വാഗത് രണ്വീര്ചന്ദ് എന്നിവരാണ് കേരളത്തിലെ 10 ജില്ലകളിലെ പെണ് സാരഥികള്.
എറണാകുളം, മലപ്പുറം, കോഴിക്കോട്, കണ്ണൂര് ജില്ലകളില് മാത്രമാണ് പുരുഷ ഐഎഎസ് ഓഫീസര്മാര് ഭരിക്കുന്നത്. കൊല്ലം കലക്ടര് അഫ്സാന പര്വീന്റെ ഭര്ത്താവ് ജാഫര് മാലിക്കാണ് എറണാകുളം കലക്ടര്. റവന്യൂ ദിനാഘോഷത്തിന്റെ ഭാഗമായി പ്രഖ്യാപിച്ച റവന്യൂ പുരസ്കാരങ്ങളില് മികച്ച മൂന്ന് ജില്ലാ കളക്ടര്മാരായി തെരഞ്ഞെടുക്കപ്പെട്ടതില് രണ്ടുപേരും വനിതകളായിരുന്നു. നവ്ജ്യോത് ഖോസ, മൃണ്മയി ജോഷി എന്നിവരാണ് ഈ നേട്ടം കൈവരിച്ച വനിതാ കളക്ടര്മാര്. ആലപ്പുഴ കളക്ടറായിരിക്കെ വിരമിക്കുന്ന എ.അലക്സാണ്ടറാണ് ഈ പുരസ്കാരം നേട്ടം സ്വന്തമാക്കിയ മറ്റൊരാള്. ഇദ്ദേഹം വിരമിക്കുന്നതോടെയാണ് ഡോ.രേണുരാജിനെ കളക്ടറായി നിയമിച്ചിരിക്കുന്നത്.