ലണ്ടന്‍: വെസ്റ്റ്മിന്‍സ്റ്റര്‍ ഹാളില്‍ എലിസബത്ത് രാജ്ഞിയുടെ ഭൗതികശരീരത്തിനു അടുത്തുണ്ടായിരുന്ന റോയല്‍ ഗാര്‍ഡ് കുഴഞ്ഞു വീണു.
മറ്റുള്ളവര്‍ രാജ്ഞിക്ക് ആദരാഞ്ജലി അര്‍പ്പിക്കുന്നതിടെയാണ് റോയല്‍ ഗാര്‍ഡ് അംഗം കുഴഞ്ഞുവീണത്. ഇതിന്റെ വീഡിയോ വ്യാപകമായി പ്രചരിക്കുന്നുണ്ട്. ഉടന്‍ തന്നെ മറ്റു സുരക്ഷാ ജീവനക്കാര്‍ റോയല്‍ ഗാര്‍ഡ് അംഗത്തിന്റെ അടുത്തേക്ക് ഓടിയെത്തുന്നതും വീഡിയോയില്‍ കാണാം.
റോയല്‍ ഗാര്‍ഡ് കുഴഞ്ഞു വീണതോടെ കുറച്ചു സമയത്തേക്ക് ചടങ്ങിന്റെ തത്സമയ സംപ്രേഷണം തടസ്സപ്പെട്ടു. കഴിഞ്ഞ വെള്ളിയാഴ്ച സ്‌കോട്ലന്‍ഡിലെ ബാല്‍മോറല്‍ കാസിലില്‍ അന്തരിച്ച രാജ്ഞിയുടെ മൃതദേഹം ഇന്നലെയാണ് ലണ്ടനിലെ വെസ്റ്റ്മിന്‍സ്റ്ററിലെത്തിച്ചത്. 19നാണ് സംസ്‌കാരം.
