കുവൈത്ത് : കുവൈറ്റില്‍ ഫാമുകള്‍, റെസ്റ്റോറന്റുകള്‍, ഭക്ഷ്യ വ്യവസായം, ബേക്കറികള്‍, മത്സ്യബന്ധനം എന്നി മേഖലകളില്‍ വാണിജ്യ സന്ദര്‍ശന വിസയും വര്‍ക്ക് പെര്‍മിറ്റുകളും നല്‍കുന്നത്‌ പുനരാരംഭിക്കാന്‍ തീരുമാനം.
രാജ്യത്ത്‌ ചില മേഖലകളില്‍ ഏര്‍പ്പെടുത്തിയ വിസ നിയന്ത്രണങ്ങള്‍ ഒഴിവാക്കാന്‍ കൊറോണ എമര്‍ജന്‍സി ഉന്നതതല സമിതിയുടെ തീരുമാനപ്രകാരമാണ് പുതിയ നടപടി. രാജ്യത്തെ ആരോഗ്യ സ്ഥിതി അനുദിനം മെച്ചപ്പെട്ടു വരുന്ന സാഹചര്യത്തിലാണ് തീരുമാനം .
കന്നുകാലി, കോഴി ഫാമുകള്‍, ക്ഷീര ഉല്‍പന്നങള്‍, ഗ്രോസറികള്‍, വെള്ളം, ജ്യൂസ് ബോട്ടിലിംഗ് കമ്ബനികള്‍ മുതലായ മേഖലകളിലും ഈ ഇളവുകള്‍ ബാധകമായിരിക്കും.
