മസ്കറ്റ്: ഇന്ത്യയുടെ പടിഞ്ഞാറൻ തീരത്തു നിന്നും വ്യാപിക്കുന്ന ന്യൂനമര്‍ദ്ദം തിങ്കളാഴ്ചയോടെ ഒമാൻ തീരത്തെത്താൻ സാധ്യതയുണ്ടെന്ന് ദേശീയ ദുരന്ത നിവാരണ മുന്നറിയിപ്പ് കേന്ദ്രത്തിൻറെ സൂചന.
ദക്ഷിണ ഷര്‍ക്കിയാ ഗവര്‍ണറേറ്റില്‍ തിങ്കളാഴ്ച മുതല്‍ ഇടവിട്ടു പെയ്തു തുടങ്ങുന്ന മഴ,അടുത്ത ദിവസങ്ങളില്‍ അല്‍ വുസ്ത, ദോഫാര്‍ മേഖലകളിലേക്ക് വ്യാപിക്കാനാണ് സാധ്യത. മറ്റു ഗവര്‍ണറേറ്റുകളിലും പൊതുവെ ആകാശം മേഘാവൃതമായിരിക്കും.
ഹാജര്‍ മലനിരകള്‍ക്ക് സമീപ പ്രദേശങ്ങളില്‍ ഇടിമിന്നലും കാറ്റും പ്രതീക്ഷിക്കാം. സമുദ്രനിരപ്പ് ഒന്നര മുതല്‍ രണ്ടര വരെ കൂടുതല്‍ ഉയരാനും സാധ്യതയുണ്ട്. പൊതുജനങ്ങള്‍ ജാഗ്രത പാലിക്കണമെന്നും വാദികള്‍ മുറിച്ചു കടക്കുന്നതില്‍ നിന്ന് ഒഴിഞ്ഞു നില്‍ക്കണമെന്നും അധികൃതര്‍ മുന്നറിയിപ്പ് നല്‍കി.
