മസ്കത്ത്: ജോലി പുരോഗതി രേഖപ്പെടുത്താനും ഉപഭോക്തൃ സംരക്ഷണ നിയമം പാലിക്കുന്നുണ്ടെന്ന് ഉറപ്പുവരുത്താനുമായി മാര്ക്കറ്റുകളും വാണിജ്യ കേന്ദ്രങ്ങളും ഉപഭോക്തൃ സംരക്ഷണ അതോറിറ്റി (സി.പി.എ) ചെയര്മാൻ പരിശോധന നടത്തി.
ദാഖിലിയ, വടക്കൻ ശര്ഖിയ ഗവര്ണറേറ്റുകളില് സി.പി.എ ചെയര്മാൻ സലിം ബിൻ അലി ബിൻ സുലായം അല് ഹക്മാനിയുടെ നേതൃത്വത്തിലായിരുന്നു പരിശോധന. അതോറിറ്റിയുടെ പ്രവര്ത്തനത്തിന്റെ ഫലപ്രാപ്തി വര്ധിപ്പിക്കുന്നതിന് ലക്ഷ്യമിട്ട് ചെയര്മാൻ ഉപഭോക്താക്കളുമായി കൂടിക്കാഴ്ച നടത്തുകയും അവരുടെ നിരീക്ഷണങ്ങളും നിര്ദേശങ്ങളും ശ്രദ്ധിക്കുകയും ചെയ്തു.