കുവൈത്ത് സിറ്റി: സങ്കീര്‍ണമായ ഗണിതശാസ്ത്ര പ്രശ്നങ്ങളെ ലഘൂകരിച്ചു കൊണ്ട് പഠനം എളുപ്പവും രസകരവുമാക്കുക എന്ന ലക്ഷ്യത്തെ മുൻനിര്‍ത്തി ‘Come, Fall in Love with MATHS’ എന്ന പേരില്‍ ബാലവേദി സാല്‍മിയ മേഖലാ കമ്മിറ്റിയുടെ ആഭിമുഖ്യത്തില്‍ ഗണിതശാസ്ത്ര ശില്പശാല സംഘടിപ്പിച്ചു.
ബാലവേദി മേഖല വൈസ് പ്രസിഡന്റ് അഞ്ജലി രാജിന്റെ അധ്യക്ഷതയില്‍ സാല്‍മിയ കല സെന്ററില്‍ നടന്ന പരിപാടി കല കുവൈറ്റ് ട്രഷറര്‍ അജ്നാസ് മുഹമ്മദ് ഉദ്ഘാടനം ചെയ്തു.
ബാലവേദി കേന്ദ്ര രക്ഷാധികാരി സമിതി കണ്‍വീനര്‍ ഹരിരാജ്, കല കുവൈറ്റ് സാല്‍മിയ മേഖലാ സെക്രട്ടറി റിച്ചി കെ ജോര്‍ജ്, ബാലവേദി കേന്ദ്ര രക്ഷാധികാരി സമിതി അംഗം ബെറ്റി അഗസ്റ്റിൻ എന്നിവര്‍ ആശംസകള്‍ അര്‍പ്പിച്ച്‌ സംസാരിച്ചു. ബാലവേദി മേഖല രക്ഷാധികാരി സമിതി കണ്‍വീനര്‍ ജോസഫ് നാനി വിശദീകരണം നല്‍കി. ബാലവേദി സാല്‍മിയ മേഖലാ സെക്രട്ടറി ആദിത അഞ്ജന സജി സ്വാഗതവും ഗൗരി നന്ദിയും പറഞ്ഞു.
അബാക്കസ് പോലുള്ള ഗണിതശാസ്ത്ര സങ്കേതങ്ങളെ കുട്ടികള്‍ക്ക് പരിചയപ്പെടുത്തിക്കൊണ്ട് അധ്യാപികയും അബാക്കസ് വിദഗ്ധയുമായ ശ്രീമതി രേഷ്മ സാബു പിള്ള സാബു പിള്ള കുട്ടികളുമായി സംവദിച്ചു. നിരവധി വിദ്യാര്‍ത്ഥികളും രക്ഷിതാക്കളും പരിപാടിയില്‍ സംബന്ധിച്ചു.
