കുവൈത്ത്: ഇടപ്പാളയം ആഗോള പ്രവാസി കൂട്ടായ്മ കുവൈത്ത് ചാപ്റ്ററിന്റെ ഈദ്, ഓണം ആഘോഷം അബ്ബാസിയ യുനൈറ്റഡ് ഇന്ത്യൻ സ്കൂളില്‍ നടന്നു. ‘ഇടപ്പാളയം ഫെസ്റ്റ്’ എന്ന പേരില്‍ നടന്ന ആഘോഷം ഇടപ്പാളയം മുൻ ഗ്ലോബല്‍ പ്രസിഡന്റും ഖത്തര്‍ ചാപ്റ്റര്‍ പ്രസിഡന്റുമായ മുഹമ്മദ്‌ കുട്ടി ഉദ്ഘാടനം ചെയ്തു. കുവൈത്ത് ചാപ്റ്റര്‍ പ്രസിഡന്റ് സുബൈര്‍ മറവഞ്ചേരി അധ്യക്ഷത വഹിച്ചു.
ജനറല്‍ കോഓഡിനേറ്റര്‍ മോഹൻ ദാസ് കൂട്ടായ്മയുടെ പ്രവര്‍ത്തനങ്ങള്‍ വിശദീകരിച്ചു. മുസ്തഫ കമാല്‍, മുഹമ്മദ്‌ അലികുറ്റിപ്പാല, ഫൈസല്‍ കോലക്കാട്, അനീഷ് ബാബു എന്നിവര്‍ സംസാരിച്ചു.
പ്രോഗ്രാം കണ്‍വീനര്‍ നൗഫല്‍ കോലക്കാട് സ്വാഗതവും ബഷീര്‍ കാലടി നന്ദിയും പറഞ്ഞു. വിഭവസമൃദ്ധമായ ഓണസദ്യ, എടപ്പാള്‍ വിശ്വൻ അവതരിപ്പിച്ച ഗാനമേള, താല്‍ ഡാൻസ് ഗ്രൂപ്പിന്റെ കലാപരിപാടികള്‍ എന്നിവ ആഘോഷത്തിന് മാറ്റുകൂട്ടി.
