ജിദ്ദ: സൗദിയില്‍ തൊഴില്‍ വിസകള്‍ അനുവദിക്കുന്നതിന് തൊഴില്‍ കരാര്‍ നിര്‍ബന്ധമാക്കാന്‍ നീക്കം. ഇതിനായുള്ള നടപടിക്രമം തയാറാക്കാന്‍ വിദേശ കാര്യ മന്ത്രാലയത്തോട് സൗദി മന്ത്രിസഭ നിര്‍ദേശിച്ചു.
പുതിയ തീരുമാനം വിദേശികളുടെ അവകാശങ്ങള്‍ സംരക്ഷിക്കാന്‍ ഗുണകരമാകും.
തൊഴിലാളികളുമായുള്ള എല്ലാ കരാറുകളുടേയും മേല്‍നോട്ടത്തിന് മാനവശേഷി, സാമൂഹിക വികസന മന്ത്രാലയത്തെ ചുമതലപ്പെടുത്തി. കഴിഞ്ഞ ദിവസം ചേര്‍ന്ന മന്ത്രിസഭ യോഗത്തിലാണ് തീരുമാനം. നിലവില്‍ സൗദിയിലേക്ക് തൊഴിലാളികള്‍ എത്തിയ ശേഷമാണ് കരാറുകള്‍ തയാറാക്കുന്നത്. ഇതിലാണ് ഭേദഗതി വരിക. തൊഴില്‍ വിസയില്‍ വരുന്നയാളുമായി മുന്‍കൂട്ടി കരാര്‍ തയാറാക്കണം.
