കുവൈത്ത്; കുവൈത്ത് ഫുഡ് ബാങ്ക് കുടിവെള്ള വിതരണ പദ്ധതി ആരംഭിച്ചു. കുവൈത്ത് ഔഖാഫ് പബ്ലിക് ഫൗണ്ടേഷനുമായി സഹകരിച്ചാണ് സൗജന്യ കുടിവെള്ള വിതരണ പദ്ധതി നടപ്പാക്കുന്നത്. ജോലി സ്ഥലത്ത് തണുത്ത ശുദ്ധജലം എത്തിച്ചുനല്‍കും.
റോഡ്, പള്ളികള്‍, ആശുപത്രികള്‍ തുടങ്ങിയ സ്ഥലത്ത് സ്ഥാപിച്ചിട്ടുള്ള കുടിവെള്ള ടാങ്കുകള്‍ക്ക് പുറമെയാണ് ജോലി സ്ഥലങ്ങളില്‍ വെള്ളം എത്തിക്കുന്ന പദ്ധതി നടപ്പാക്കുന്നതെന്ന് കുവൈത്ത് ഫുഡ്ബാങ്ക് ഡെപ്യൂട്ടി ചെയര്‍മാന്‍ മിശ്അല്‍ അല്‍ അന്‍സാരി കുവൈത്ത് വാര്‍ത്ത ഏജന്‍സിയോട് പറഞ്ഞു.നിര്‍മാണ, ശുചീകരണ തൊഴിലാളികള്‍ക്ക് ആശ്വാസമാകുന്ന പദ്ധതിയാണ് ഫുഡ് ബാങ്ക് നടപ്പാക്കുന്നത്.
