മസ്കത്ത്: ഒമാന്‍ സന്ദര്‍ശനത്തിനൊരുങ്ങി യുഎഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍. രണ്ടു ദിവസത്തെ ഔദ്യോഗിക സന്ദര്‍ശനത്തിനായി അദ്ദേഹം ചൊവ്വാഴ്ച ഒമാനിലെത്തും. ഒമാന്‍ സുല്‍ത്താന്റെ ക്ഷണം സ്വീകരിച്ചാണ് യുഎഇ പ്രസിഡന്റിന്റെ സന്ദര്‍ശനം.
പ്രസിഡന്റായ ശേഷം ശൈഖ് മുഹമ്മദ് ആദ്യമായാണ് ഒമാന്‍ സന്ദര്‍ശിക്കാനൊരുങ്ങുന്നത്. ഒമാന്‍ സുല്‍ത്താന്‍ ഹൈതം ബിന്‍ താരികുമായി അദ്ദേഹം കൂടിക്കാഴ്ച നടത്തും. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം വര്‍ദ്ധിപ്പിക്കുന്നതിനെ കുറിച്ചുള്ള കാര്യങ്ങള്‍ കൂടിക്കാഴ്ച്ചയില്‍ ചര്‍ച്ചാ വിഷയമാകും. സാമ്ബത്തിക, സാംസ്‌കാരിക, വിനോദ സഞ്ചാര മേഖലയിലുള്ള സഹകരണവും ചര്‍ച്ച ചെയ്യും.
