കുവൈത്തില് പ്രവാസികള്ക്ക് വായ്പ അനുവദിക്കുന്നതിന് കുവൈത്തിലെ ബാങ്കുകള് കര്ശന നിയന്ത്രണങ്ങള് ഏര്പ്പെടുത്തി.
ഡോക്ടര്മാര്, നഴ്സുമാര്, ടെക്നീഷ്യൻമാര് തുടങ്ങി പ്രഫഷനല് തസ്തികയില് ജോലി ചെയ്യുന്നവര്ക്കാണ് മുൻഗണന. ഉയര്ന്ന നിലവാരമുള്ള ക്രെഡിറ്റ് റെക്കോര്ഡ്, ജോലി സ്ഥിരത, ശമ്ബളം, സേവനാന്തര ആനുകൂല്യം എന്നിവ പരിഗണിച്ചാകും തീരുമാനം.
സ്വദേശിവല്ക്കരണത്തിന് സാധ്യതയില്ലാത്ത തസ്തികയില് ജോലി ചെയ്യുന്നവര്ക്കും വായ്പ ലഭിക്കും. കുവൈത്തില് 10 വര്ഷത്തെ സേവനവും കുറഞ്ഞത് 1250 ദിനാര് ശമ്ബളവും ഉള്ള വിദേശികള്ക്ക് വായ്പ 25,000 ദിനാറാക്കി പരിമിതപ്പെടുത്തി. 55 വയസ്സിനു മുകളിലുള്ളവര്ക്ക് കര്ശന നിബന്ധനകളോടെ വായ്പ അനുവദിക്കും. സ്വദേശിവല്ക്കരണം ശക്തമാവുകയും വിദേശ റിക്രൂട്ട്മെന്റ് കുറയുകയും ചെയ്തതിനാല് ഒരു വര്ഷത്തിനിടെ വായ്പ നല്കുന്നത് കുറഞ്ഞതായി റിപ്പോര്ട്ടുണ്ട്.