കീവ്: യുക്രെയ്നില്‍ ആക്രമണം രൂക്ഷമാക്കി റഷ്യ. റൊട്ടി വാങ്ങാന്‍ ക്യൂ നിന്ന ആളുകള്‍ക്ക് നേരെ സൈന്യം നടത്തിയ വെടിവയ്പില്‍ 10 പേര്‍ കൊല്ലപ്പെട്ടു.
വടക്കന്‍ യുക്രെയ്നിലെ ചെര്‍നിഹിവിലാണ് റഷ്യന്‍ സൈന്യം ഈ കൊടും ക്രൂരത നടത്തിയത്. യുക്രെയ്നിലെ അമേരിക്കന്‍ എംബസിയാണ് ഇതു സംബന്ധിച്ച വിവരം പുറത്തുവിട്ടിരിക്കുന്നത്. ചെര്‍നിഹിവ് റഷ്യന്‍ സൈന്യത്താല്‍ ചുറ്റപ്പെട്ടിരിക്കുകയാണ്. കഴിഞ്ഞ ഒരാഴ്ചയായി ജനവാസ മേഖലയില്‍ ഉള്‍പ്പെടെ ഷെല്ലാക്രമണം രൂക്ഷമാണ്.
