കുവൈത്ത് സിറ്റി: സ്വന്തം കാണികള്ക്കു മുന്നില് ഉജ്ജ്വല ജയത്തോടെ കുവൈത്ത് എ.എഫ്.സി ഫുട്സാല് എഷ്യന് കപ്പ് ചാമ്ബ്യന്ഷിപ്പില് വരവറിയിച്ചു.ഒമാനെ 7-2ന് തകര്ത്താണ് കുവൈത്ത് ആദ്യ ജയം ആഘോഷിച്ചത്.
മത്സരത്തിലുടനീളം മികച്ച കളി കെട്ടഴിച്ച കുവൈത്ത് നവാഗതരായ ഒമാനെ നിഷ്പ്രഭരാക്കി. രണ്ടു ഗോളുകള് നേടിയ കുവൈത്തിന്റെ അബ്ദുറഹ്മാന് അല്തവൈല് ആണ് കളിയിലെ താരം.
2014ല് നാലാം സ്ഥാനത്തെത്തിയതിനുശേഷം ആദ്യമായി മത്സരത്തില് പങ്കെടുക്കുന്ന കുവൈത്ത് സാദ് അല് അബ്ദുല്ല ഹാളില് നിറഞ്ഞ ആരാധകര്ക്ക് മുന്നില് വന് മാര്ജിന് ജയിച്ചാണ് തിരിച്ചുവരവ് അടയാളപ്പെടുത്തിയത്. വലിയ ഗോള് ശരാശരിയിലുള്ള വിജയം ടീമിന്റെ ആത്മവിശ്വാസം ഉയര്ത്തിയിട്ടുണ്ട്. ഇതേ ഫോം നിലനിര്ത്തി വിജയം തുടരാനാണ് ടീമിന്റെ ശ്രമം. മികച്ച വിജയം നേടിയ ടീമിനെ കോച്ച് അഭിനന്ദിച്ചു. ആദ്യ മത്സരത്തിലെ വിജയത്തോടെ എ ഗ്രൂപ്പില് കുവൈത്ത് ഒന്നാമതെത്തി. വ്യാഴാഴ്ച തായ്ലന്ഡിനെതിരെയാണ് കുവൈത്തിന്റെ അടുത്ത മത്സരം. ഒക്ടോബര് ഒന്നിന് ഇറാഖിനെയും നേരിടും. ഒക്ടോബര് നാലിന് ക്വാര്ട്ടര് ഫൈനലും ആറിന് സെമി ഫൈനലും എട്ടിന് ഫൈനലും നടക്കും. ഇറാനാണ് നിലവിലെ ചാമ്ബ്യന്മാര്.