മസ്കത്ത്: സേവ് ഒ.ഐ.സി.സി. ഒമാൻ, ഒമാനിലെ ബോഷര്‍ ബ്ലഡ് ബാങ്കുമായി സഹകരിച്ചുകൊണ്ട് രക്തദാന ക്യാമ്ബ് സംഘടിപ്പിച്ചു. വേനല്‍ അവധിയും ഉയര്‍ന്ന അന്തരീക്ഷ താപനിലയും ഒമാനിലെ രക്തദാതാക്കളുടെ എണ്ണത്തില്‍ കുറവ് വലിയ കുറവ് രേഖപ്പെടുത്തിയിരുന്നു. ഈ സാഹചര്യത്തില്‍ ഇത്തരമൊരു ക്യാമ്ബ് സംഘടിപ്പിക്കുക വഴി കൂടുതല്‍ ആളുകളെ രക്തദാനത്തിന് പ്രോത്സാഹിപ്പിക്കുകയാണ് സേവ് ഒ.ഐ.സി.സി. ഒമാൻ ലക്ഷ്യമിടുന്നത്. എല്ലാ ആറുമാസത്തിലൊരിക്കലും ഇത്തരത്തില്‍ ക്യാമ്ബ് സംഘടിപ്പിക്കുന്നുണ്ടെന്ന് സേവ് ഒ.ഐ.സി.സി. ഒമാൻ പ്രസിഡന്റ് അനീഷ് കടവില്‍ പറഞ്ഞു. അനീഷ് കടവില്‍, ജനറല്‍ സെക്രട്ടറി ജിജോ കടന്തോട്ട്, ട്രഷറര്‍ സതീഷ് പട്ടുവം തുടങ്ങിയവര്‍ ക്യാംപിനു നേതൃത്വം നല്‍കി.
