മസ്കത്ത്: രാജ്യത്ത് വിദേശികള്‍ക്ക് ചൊവ്വാഴ്ച മുതല്‍ ഓക്സ്ഫോഡ്-ആസ്ട്ര സെനക്ക വാക്സിെന്‍റ ആദ്യ ഡോസ് നല്‍കിത്തുടങ്ങിയതായി ആരോഗ്യമന്ത്രാലയം അറിയിച്ചു. തറസൂദ് ആപ് വഴിയോ, Covid19.moh.gov.om എന്ന ലിങ്ക് വഴിയോ മുന്‍കൂട്ടി ബുക്ക് ചെയ്യുന്നവര്‍ക്കായിരിക്കും വാക്സിന്‍ സ്വീകരിക്കാനാവുക. വടക്കന്‍ ബാത്തിനയിലെ ഖാബൂറ, സുവൈഖ് വിലായത്തുകളിലെ ആരോഗ്യകേന്ദ്രങ്ങള്‍ വഴി ബുധനാഴ്ച മുതല്‍ വാക്സിന്‍ നല്‍കും. ഷഹീന്‍ ചുഴലിക്കാറ്റിനെ തുടര്‍ന്ന് രാജ്യത്ത് നിര്‍ത്തിവെച്ച കുത്തിവെപ്പ് നടപടികള്‍ കഴിഞ്ഞ ദിവസമാണ് പുനരാരംഭിച്ചത്. ഒമാന്‍ കണ്‍വെന്‍ഷന്‍ ആന്‍ഡ് എക്സിബിഷന്‍ സെന്‍റില്‍നിന്ന് നിരധി പേര്‍ക്ക് വാക്സിന്‍ നല്‍കി. പന്ത്രണ്ട് വയസ്സിന് മുകളിലുള്ളവര്‍ക്ക് ഒന്ന്, രണ്ട് ഡോസ് എന്നിങ്ങനെ വ്യത്യാസമില്ലാത വാക്സിനെടുക്കാം. പ്രൃത്തിദിനങ്ങളില്‍ രാവിലെ എട്ടുമുതല്‍ ഉച്ചക്ക് രണ്ടുവരെയാണ്.
കഴിഞ്ഞ ദിവസം സമൂഹമാധ്യമങ്ങളില്‍ വിദേശികള്‍ക്ക് സൗജന്യവാക്സിന്‍ വിതരണം ആരംഭിച്ചതായ വാര്‍ത്തകള്‍ പ്രചരിച്ചിരുന്നു. എന്നാല്‍, ഇതു സംബന്ധിച്ച്‌ ചൊവ്വാഴ്ചയാണ് ആരോഗ്യ മന്ത്രാലയത്തിെന്‍റ ഒൗദ്യോഗിക സ്ഥിരീകരണം വന്നത്.
