ഇന്ത്യന്‍ രൂപയുടെ വിലയിടിവ് ശക്തമായതോടെ റിയാലിന്‍റെ വിനിമയം ഒരു റിയാലിന് 210 രൂപ എന്ന ഉയര്‍ന്ന നിരക്കിലേക്ക് എത്തുന്നു.ഒമാനിലെ വിനിമയ സ്ഥാപനങ്ങള്‍ റിയാലിന് 209.50 രൂപ എന്ന നിരക്കാണ് വ്യാഴാഴ്ച ഉപഭോക്താക്കള്‍ക്ക് നല്‍കിയത്.
എന്നാല്‍ അന്താരാഷ്ട്ര കറന്‍സി പോര്‍ട്ടലായ എക്സ് ഇ കറന്‍സി കണ്‍വെര്‍ട്ടറില്‍ റിയാലിന്‍റെ വിനിമയനിരക്ക് വ്യാഴാഴ്ച രാവിലെ 210.57 ആണ് രേഖപ്പെടുത്തിയിരിക്കുന്നത്.
ഒരു ഡോളറിന് 80.74 രൂപയായിരുന്നു വ്യാഴാഴ്ചത്തെ ക്ലോസിങ് നിരക്ക്. വിനിമയനിരക്ക് ഇനിയും ഉയരാന്‍ സാധ്യതയുണ്ടെന്നാണ് സാമ്ബത്തിക മേഖലയിലുള്ളവര്‍ വിലയിരുത്തുന്നത്. യു.എസ് ഫെഡറല്‍ റിസര്‍വ് ബാങ്ക് അവരുടെ പലിശനിരക്ക് കൂട്ടിയതാണ് ഇന്ത്യയടക്കമുള്ള രാജ്യങ്ങളുടെ വിനിമയമൂല്യം ഇടിയാന്‍ കാരണമായതെന്ന് ജോയ് ആലുക്കാസ് എക്സ്ചേഞ്ച് ഓപറേഷന്‍ മാനേജര്‍ അന്‍സാര്‍ ഷെന്താര്‍ പറഞ്ഞു.
