അനധികൃത മത്സ്യബന്ധനത്തിനെതിരെ നടപടി ശക്തമാക്കി ഒമാന്‍. ചട്ടങ്ങള്‍ പാലിക്കാത്തതിന് ആഗസ്റ്റില്‍ 404 കേസുകളാണ് രജിസ്റ്റര്‍ ചെയ്തത്. 12 വിദേശ തൊഴിലാളികളെ പിടികൂടുകയും ചെയ്തു. ആകെ കേസുകളില്‍ 311 എണ്ണം ലൈസന്‍സിങ് ചട്ടങ്ങള്‍ പാലിക്കാത്തതിനാണ് എടുത്തിട്ടുള്ളത്. 17 എണ്ണം നിരോധിത മത്സ്യബന്ധന രീതികള്‍ ഉപയോഗിച്ചതിനും അനധികൃത ഉപകരണങ്ങള്‍ കൈവശം വെച്ചതിനുമാണുള്ളത്.
നിരോധിത മേഖലകളിലും സമയത്തും മത്സ്യബന്ധനം നടത്തിയതിന് നാലു കേസുകളും രജിസ്റ്റര്‍ ചെയ്തു. ലൈസന്‍സ് ഇല്ലാതെ ജോലിയില്‍ ഏര്‍പ്പെട്ടതിന് ഏഴ് വിദേശ തൊഴിലാളികള്‍ക്കെതിരെയും നടപടിയെടുത്തു.
