കുവൈത്തില് ആരോഗ്യ കേന്ദ്രങ്ങളുടെ എണ്ണം വര്ധിപ്പിക്കാനും രോഗികളുടെ കാത്തിരിപ്പ് സമയം കുറക്കാനും ആരോഗ്യ മന്ത്രാലയം തീരുമാനം.
ജനങ്ങള്ക്ക് മെച്ചപ്പെട്ട ചികിത്സാസൗകര്യം നല്കാനും പുതിയ ക്ലിനിക്കുകള് തുറക്കുന്നതോടെ സാധിക്കുമെന്ന് ആരോഗ്യ മന്ത്രാലയം അറിയിച്ചു. ആശുപത്രികളിലും ക്ലിനിക്കുകളിലും അനുഭവപ്പെടുന്ന തിരക്ക് കുറക്കുകയാണ് പ്രധാന ലക്ഷ്യം. നിലവില് പലയിടങ്ങളിലും രോഗികളുടെ വലിയ തിരക്ക് അനുഭവപ്പെടുന്നുണ്ട്. ജനറല് മെഡിസിന്, യൂറോളജി, ഗൈനക്കോളജി, ഡെന്റല്, സൈക്കോളജി, ഇ.എന്.ടി, പീഡിയാട്രിക് തുടങ്ങിയ വിഭാഗങ്ങളില് പ്രത്യേക ക്ലിനിക്കുകള് ആരംഭിക്കും. ഇതോടെ രോഗികളുടെ എണ്ണം നിയന്ത്രിക്കാന് കഴിയുമെന്നാണ് പ്രതീക്ഷ.
പ്രൈമറി ഹെല്ത്ത് സെന്ററുകളില് രോഗനിര്ണയത്തിനും ചികിത്സക്കും അത്യാധുനിക സാങ്കേതിക സംവിധാനങ്ങളും ഒരുക്കും. ആരോഗ്യ മേഖലയുടെ ഗുണനിലവാരം ഉയര്ത്തുന്നതിനായി സമ്ബൂര്ണ ഡിജിറ്റല്വത്കരണം, ആരോഗ്യ ജീവനക്കാരുടെ പ്രകടനം മെച്ചപ്പെടുത്തല് തുടങ്ങിയ നിരവധി പദ്ധതികള് മന്ത്രാലയത്തിന്റെ നേതൃത്വത്തില് നടപ്പിലാക്കിയിരുന്നു.