ഉപയോക്താക്കള്‍ക്ക് ഒട്ടനവധി സവിശേഷതകള്‍ അവതരിപ്പിക്കുന്ന ജനപ്രിയ മെസേജിംഗ് പ്ലാറ്റ്ഫോമാണ് വാട്സ്‌ആപ്പ്. പലപ്പോഴും ഉപയോക്താക്കള്‍ നേരിടുന്ന പ്രശ്നങ്ങള്‍ക്ക് പ്രതിവിധിയായി വാട്സ്‌ആപ്പ് പുത്തന്‍ അപ്ഡേറ്റുകള്‍ പ്രഖ്യാപിക്കാറുണ്ട്.
ഇത്തവണ ഓരോ തവണയും കോണ്‍ടാക്‌ട് ലിസ്റ്റില്‍ പോയി വ്യക്തികളുടെ നമ്ബര്‍ തിരഞ്ഞ് ബുദ്ധിമുട്ടുന്നവര്‍ക്ക് ആശ്വാസമായാണ് വാട്സ്‌ആപ്പ് എത്തിയിരിക്കുന്നത്. റിപ്പോര്‍ട്ടുകള്‍ പ്രകാരം, വാട്സ്‌ആപ്പ് ഷോര്‍ട്ട്കട്ട് ഫീച്ചറാണ് അവതരിപ്പിച്ചിരിക്കുന്നത്.
ഇതോടെ, സ്ഥിരമായി വിളിക്കുന്ന വ്യക്തിയുടെ നമ്ബര്‍ കോളിംഗ് ഷോര്‍ട്ട്കട്ട് ഓപ്ഷനില്‍ ഉള്‍പ്പെടുത്താന്‍ സാധിക്കും. കോളിംഗ് ഷോര്‍ട്ട്കട്ട് ഓപ്ഷനില്‍ ഉള്‍പ്പെടുത്തുന്ന വ്യക്തിയുടെ നമ്ബര്‍ സ്വമേധയാ ഹോം സ്ക്രീനില്‍ സേവ് ആകുന്നതാണ്.
ഇതോടെ, ആവര്‍ത്തിച്ച്‌ കോണ്‍ടാക്‌ട് ലിസ്റ്റില്‍ നിന്നും നമ്ബര്‍ എടുക്കുന്ന രീതി ഒഴിവാക്കാന്‍ സാധിക്കും. വാട്സ്‌ആപ്പിന്റെ അടുത്ത അപ്ഡേറ്റിലാണ് ഈ ഫീച്ചര്‍ എല്ലാ ഉപയോക്താക്കളിലേക്കും എത്തുക.
