മസ്കത്ത് ജീവിതച്ചെലവ് താങ്ങാന്‍ കഴിയുന്ന നഗരങ്ങളുടെ പട്ടികയില്‍ ഇടം പിടിച്ച്‌ മസ്‌കത്തും.അമേരിക്കന്‍ ഓണ്‍ലൈന്‍ ലെന്‍ഡറായ നെറ്റ്ക്രെഡിറ്റിന്റെ റിപ്പോര്‍ട്ട് പ്രകാരം മുന്‍നിരയിലാണ് മസ്കത്ത്.
ആഗോളാടിസ്ഥാനത്തിലുള്ള 73 തലസ്ഥാന നഗരങ്ങളിലെ എട്ടുലക്ഷം വസ്തുക്കള്‍ വിശകലനത്തിന് വിധേയമാക്കിയാണ് റിപ്പോര്‍ട്ട് തയാറാക്കിയിരിക്കുന്നത്.
ഓരോ നഗരത്തിലെയും വീടുകളുടെ വില, പ്രാദേശിക റിയല്‍ എസ്റ്റേറ്റ് കമ്ബനികളില്‍ നിന്നുള്ള കെട്ടിടങ്ങളെ സംബന്ധിച്ച പഠനം, ഓരോ തലസ്ഥാനത്തെയും ശരാശരി ശമ്ബളം തുടങ്ങിയവയെല്ലാം വിശകലനം ചെയ്തതാണ് ജീവിതച്ചെലവ് താങ്ങാവുന്നതാണോ എന്ന നിഗമനത്തിലെത്തിയത്. മസ്കത്തില് ഇടത്തരം വീട് വാങ്ങാന്‍ നാലു വര്‍ഷത്തെയും ഏഴു മാസത്തെയും ശമ്ബളം മതിയെന്ന് റിപ്പോര്‍ട്ടില്‍ പറയുന്നു. ദക്ഷിണാഫ്രിക്കയിലെ പ്രിട്ടോറിയയിലും ഇതേ കാലയളവില്‍ വീടുകള്‍ സ്വന്തമാക്കാന്‍ കഴിയും.
