ഡെന്മാര്ക്ക്: തലസ്ഥാനമായ കോപന്ഹേഗനില് ഖുര്ആന് പകര്പ്പും തുര്ക്കിയ പതാകയും കത്തിച്ച സംഭവത്തില് കുവൈത്ത് അപലപിച്ചു.
മുസ്ലിംകളുടെ പുണ്യമാസമായ റമദാനില് നടന്ന പ്രകോപനപരമായ പ്രവൃത്തി ലോകമെമ്ബാടുമുള്ള മുസ്ലിംകളുടെ രോഷത്തിന് കാരണമാകുമെന്ന് കുവൈത്ത് വിദേശകാര്യ മന്ത്രാലയം പ്രസ്താവനയില് ചൂണ്ടിക്കാട്ടി.
വിദ്വേഷവും തീവ്രവാദവും ചെറുക്കുന്നതിനും ഖുര്ആനും മുസ്ലിം ചിഹ്നങ്ങള്ക്കും എതിരായ ആവര്ത്തിച്ചുള്ള കുറ്റകൃത്യങ്ങള് അവസാനിപ്പിക്കാനും ഇടപെടണമെന്ന് അന്താരാഷ്ട്ര സമൂഹത്തോടും സര്ക്കാറുകളോടും കുവൈത്ത് ഉണര്ത്തി. ഇത്തരം പ്രവൃത്തികള് ചെയ്യുന്നവരെ പ്രതിക്കൂട്ടിലാക്കണം. അഭിപ്രായസ്വാതന്ത്ര്യം ഇസ്ലാമിനെയോ മറ്റേതെങ്കിലും മതത്തെയോ വ്രണപ്പെടുത്താന് ഉപയോഗിക്കുന്നില്ലെന്ന് ഉറപ്പാക്കണം.
ജനങ്ങള്ക്കിടയില് സഹിഷ്ണുതയുടെയും സമാധാനപരമായ സഹവര്ത്തിത്വത്തിന്റെയും മൂല്യങ്ങള് പ്രചരിപ്പിക്കേണ്ടതിന്റെ ആവശ്യകതയും വിദേശകാര്യ മന്ത്രാലയം എടുത്തുപറഞ്ഞു.