തുര്‍ക്കിയയിലെയും സിറിയയിലേയും ദുരിതബാധിതരെ സഹായിക്കാന്‍ ആരംഭിച്ച കാമ്ബയിനിലൂടെ ഒമാന്‍ ഇതുവരെ ശേഖരിച്ചത് 3,70,000 റിയാല്‍. സംഭാവന പോര്‍ട്ടലായ www.donate.omന്‍റെ കണക്കനുസരിച്ച്‌, ഫെബ്രുവരി ആറിനും 19 നും ഇടയില്‍ ഓണ്‍ലൈനിലൂടെ ലഭിച്ച ആകെ തുക 154,129 റിയാലാണ്. ‘ദാര്‍ അല്‍ അത്ത’ ആരംഭിച്ച കാമ്ബയിനിലൂടെ 76,722 റിയാലും ഒമാന്‍ ചാരിറ്റബിള്‍ ഓര്‍ഗനൈസേഷന് (ഒ.സി.ഒ) 77,407 റിയാലും ശേഖരിച്ചു.
ഒമാനി നാഷനല്‍ എന്‍ജിനീയറിങ് ആന്‍ഡ് ഇന്‍വെസ്റ്റ്‌മെന്റ് കമ്ബനിയില്‍നിന്ന് (ഒ.എന്‍.ഇ.ഐ.സി) 2,20,000 റിയാല്‍ ലഭിച്ചിട്ടുണ്ടെന്നും ആകെ സംഭാവനകള്‍ 37,3,629 റിയാലില്‍ എത്തിയിട്ടുണ്ടെന്നും ഒ.സി.ഒ അറിയിച്ചു. ദുരിത ബാധിതരെ സഹായിക്കാന്‍ പേമെന്റ് മെഷീനുകള്‍, എസ്.എം.എസ്, ഇലക്‌ട്രോണിക് പോര്‍ട്ടല്‍, ബാങ്ക് ട്രാന്‍സ്ഫര്‍ എന്നിവ വഴി സംഭാവന ചെയ്യാവുന്നതാണെന്ന് ഒ.സി.ഒ അറിയിച്ചു.
