കുവൈത്തില് മേയ് മുതല് 2023 അവസാനം വരെ എണ്ണ ഉല്പാദനം വെട്ടിക്കുറക്കും. പ്രതിദിനം 1,28,000 ബാരല് സ്വമേധയാ വെട്ടിക്കുറക്കുമെന്ന് ഉപപ്രധാനമന്ത്രിയും എണ്ണ മന്ത്രിയുമായ ബദര് അല് മുല്ല അറിയിച്ചു. ഉല്പാദനം വെട്ടിക്കുറക്കാനുള്ള ഒപെക് പ്ലസ് രാജ്യങ്ങളുടെ തീരുമാനത്തെ തുടര്ന്നാണ് നടപടി.
2022 ഒക്ടോബര് അഞ്ചിന് നടന്ന 33ാമത് ഒപെക്, നോണ്-ഒപെക് മന്ത്രിതല യോഗത്തില് ഉല്പാദനം കുറക്കുന്നതിനും മുന്കരുതല് നടപടികള് സ്വീകരിക്കാനുമുള്ള തീരുമാനത്തിനെ തുടര്ന്നാണ് ഈ വെട്ടിക്കുറക്കലെന്നും മന്ത്രി കൂട്ടിച്ചേര്ത്തു. എണ്ണ ഉല്പാദനം വെട്ടിക്കുറക്കാന് മറ്റു എണ്ണഉല്പാദകരായ ഒപെക് പ്ലസ് രാജ്യങ്ങളും തീരുമാനമെടുത്തിട്ടുണ്ട്.
മൊത്തം പ്രതിദിനം പത്തുലക്ഷം ബാരലിലേറെ എണ്ണയുല്പാദനമാണ് കുറക്കാന് തീരുമാനം. സൗദി അറേബ്യ, യു.എ.ഇ, ഒമാന്, അല്ജീരിയ, റഷ്യ തുടങ്ങിയ രാജ്യങ്ങള് ഉല്പാദനം കുറക്കുമെന്ന് അറിയിച്ചിട്ടുണ്ട്.