മാര്‍ബര്‍ഗ് വൈറസ് ബാധയുടെ പശ്ചാത്തലത്തില്‍ ഒമാനിലേക്കുള്ള യാത്രക്കാര്‍ക്ക് യു.എ.ഇ. യുടെ മുന്നറിയിപ്പ്. യു.എ.ഇ.യുടെ പ്രധാന വിമാനക്കമ്ബനിയായ എമിറേറ്റ്‌സ് എയര്‍ലൈനാണ് യാത്രക്കാര്‍ക്കുള്ള നിര്‍ദേശങ്ങളുമായി രംഗത്തെത്തിയത്.
വൈറസ് പടര്‍ന്നുപിടിച്ച സാഹചര്യത്തില്‍ ഒമാന്‍ സര്‍ക്കാരും വിവിധ എയര്‍ലൈന്‍ അധികൃതര്‍ക്കും യാത്രക്കാര്‍ക്കും നിര്‍ദേശങ്ങള്‍ നല്‍കിയിട്ടുണ്ട്. അതിന്റെ ചുവടുപിടിച്ചാണ് എമിറേറ്റ്‌സിന്റെയും മുന്നറിയിപ്പ്. മാര്‍ബര്‍ഗ് റിപ്പോര്‍ട്ട് ചെയ്ത രാജ്യങ്ങളില്‍നിന്നെത്തുന്ന യാത്രക്കാര്‍ ക്വാറന്റീനില്‍ പ്രവേശിക്കണമെന്നാണ് ഒമാന്‍ സര്‍ക്കാരിന്റെ നിര്‍ദേശം.
യാത്ര കഴിഞ്ഞെത്തുന്നവര്‍ക്ക് 21 ദിവസത്തിനകം എന്തെങ്കിലും അസ്വസ്ഥത അനുഭവപ്പെടുന്നുവെങ്കില്‍ ആരോഗ്യകേന്ദ്രത്തിലെത്തി സഹായം തേടണമെന്നും അധികൃതര്‍ മുന്നറിയിപ്പ് നല്‍കുന്നുണ്ട്.
