കുവൈത്ത് സിറ്റി: പുണ്യമാസത്തില്‍ സമൂഹ നോമ്ബതുറകള്‍ തുടരുകയാണ് കുവൈത്തില്‍. ബുധനാഴ്ച, ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് (ഒ.ഐ.സി.സി)നാഷണല്‍ കമ്മിറ്റിയുടെ ആഭിമുഖ്യത്തില്‍ വിപുലമായ രീതിയില്‍ ഇഫ്താര്‍ സംഘടിപ്പിച്ചത്.
അബ്ബാസിയ യുണൈറ്റഡ് ഇന്ത്യന്‍ സ്‌കൂളിലാണ് നടന്ന സംഗമത്തില്‍ നാനതുറകളില്‍ നിന്നുള്ള ഇരുനൂറിലധകം പേര്‍ സംബന്ധിച്ചു. വൈസ് പ്രസിഡണ്ട് എബി വാരിക്കാട് അധ്യക്ഷത വഹിച്ച ചടങ്ങ് നാഷണല്‍ കമ്മിറ്റി പ്രസിഡണ്ട് വര്‍ഗീസ് പുതുക്കുളങ്ങര ഉദ്ദ്ഘാടനം ചെയ്തു.
കെ.എന്‍.എം മര്‍ക്കസുദ്ദഅദ്‌വ ട്രഷറര്‍ എം.അഹമദ്കുട്ടി മദനി റംസാന്‍ സന്ദേശം നല്‍കി. ബി.എസ് പിള്ള സ്വാഗതവും രാജീവ് നടുവിലേമുറി നന്ദിയും രേഖപ്പെടുത്തി. നിസാം എം.എ,സിറാജ് എരഞിക്കല്‍(കെ.എം.സി.സി) ഷൈമേഷ് (കലാ-കുവൈത്ത്) തുടങ്ങിയവര്‍ സംസാരിച്ചു.
