കുവൈത്ത് സിറ്റി: സ്വദേശിവല്ക്കരണം നടപ്പിലാക്കുന്നത് കുവൈത്ത് യൂനിവേഴ്സിറ്റി താല്ക്കാലികമായി നിര്ത്തിവെക്കുന്നു. തീരുമാനം സിവില് സര്വീസ് ബ്യൂറോയെ ഔദ്യോഗികമായി അറിയിച്ചതായി യൂനിവേഴ്സിറ്റി കൗണ്സില് വ്യക്തമാക്കി. സ്വദേശിവല്ക്കരണം നടപ്പിലാക്കുന്നത് നാലു വര്ഷത്തേക്ക് മാറ്റിവെക്കാന് യൂണിവേഴ്സിറ്റി കൗണ്സില് തീരുമാനിച്ചതായി പ്രാദേശിക മാധ്യമായ അല് ഖബസ് റിപ്പോര്ട്ട് ചെയ്തു.
അക്കാദമിക് രംഗത്ത് യോഗ്യതയുള്ള സ്വദേശി അപേക്ഷകരുടെ കുറവിനെ തുടര്ന്നാണ് തീരുമാനം. നേരത്തെ 431 വിദേശികളുടെ പിരിച്ചുവിടല് നടപടി വേഗത്തിലാക്കാന് കുവൈത്ത് സിവില് സര്വ്വീസ് കമ്മീഷന് അധികൃതര്ക്ക് നിര്ദ്ദേശം നല്കിയിരുന്നു. എനാല് ഇവര്ക്കു പകരം യോഗ്യരായ സ്വദേശികളെ ലഭ്യമായില്ലന്നാണ് റിപ്പോര്ട്ട്.
ഔദ്യോഗിക കണക്കുകള് പ്രകാരം, കുവൈത്തിലെ സര്ക്കാര് മേഖലയില് ജോലി ചെയ്യുന്ന പ്രവാസികളുടെ ശതമാനം മറ്റ് ഗള്ഫ് രാജ്യങ്ങളെക്കാള് ഏറ്റവും ഉയര്ന്നതാണ്. ഇതില് മാറ്റം വരുത്താനും ഈ വര്ഷം അവസാനത്തോടെ രാജ്യത്തെ മുഴുവന് സര്ക്കാര് സ്ഥാപനങ്ങളിലും മന്ത്രാലയങ്ങളിലും സമ്ബൂര്ണ്ണ സ്വദേശിവല്ക്കരണം നടപ്പാക്കാനുമാണ് സര്ക്കാര് ലക്ഷ്യമിടുന്നത്.