ഒമാനില്‍ ആരോഗ്യ സുരക്ഷ മാനദണ്ഡങ്ങള്‍ പാലിക്കാത്ത കോഴി ഫാമിനെതിരെ കര്‍ശന നടപടിയുമായി വടക്കൻ ബാത്തിന മുനിസിപ്പാലിറ്റി. ഇവിടെനിന്നുള്ള ലംഘനങ്ങള്‍ സ്വദേശി പൗരൻ സമൂഹ മാധ്യമങ്ങളിലൂടെ പുറത്തുവിട്ടിരുന്നു. ഇതേ തുടര്‍ന്നാണ് നടപടിയുമായി അധികൃതര്‍ എത്തിയിരിക്കുന്നത്.
സംഭവം കൃത്യമായി അന്വേഷിക്കുകയും സ്ഥലം സന്ദര്‍ശിക്കാൻ വര്‍ക്ക് ടീമിനെ രൂപവത്കരിക്കുകയും ചെയ്തുവെന്ന് മുനിസിപ്പാലിറ്റി അധികൃതര്‍ പ്രസ്താവനയില്‍ പറഞ്ഞു.ലംഘകര്‍ക്കെതിരെ നിയമനടപടികള്‍ സ്വീകരിച്ചിട്ടുണ്ടെന്ന് മുനിസിപ്പാലിറ്റി വ്യക്തമാക്കി. ലൈസൻസില്ലാതെ അറവുശാലകള്‍ കൈകാര്യം ചെയ്യരുതെന്നും ഇത്തരത്തിലുള്ള എന്തെങ്കിലും ലംഘനങ്ങള്‍ കണ്ടാല്‍ മുനിസിപ്പാലിറ്റിയുടെ ഹോട്ട്‌ലൈൻ, സോഷ്യല്‍ മീഡിയ അക്കൗണ്ടുകള്‍, വാട്സ്‌ആപ് എന്നിവ വഴി റിപ്പോര്‍ട്ട് ചെയ്യണമെന്നും അഭ്യര്‍ഥിച്ചു.
