കുവൈത്ത് സിറ്റി: കുവൈത്ത് പ്രവാസജീവിതം അവസാനിപ്പിച്ച്‌ നാട്ടിലേക്കു മടങ്ങുന്ന സലീം കുറ്റ്യാടിക്ക് കെ.ഐ.ജി അബ്ബാസിയ യൂനിറ്റ് യാത്രയയപ്പ് നല്‍കി. 35 വര്‍ഷത്തെ പ്രവാസത്തിനുശേഷമാണ് സലീം കുവൈത്തില്‍നിന്നു മടങ്ങുന്നത്.
യാത്രയയപ്പ് യോഗത്തില്‍ യൂനിറ്റ് പ്രസിഡന്റ് ഹമീദ് കോക്കൂര്‍, ഏരിയ പ്രസിഡന്റ് നൗഫല്‍, മറ്റു യൂനിറ്റ് പ്രസിഡന്റുമാര്‍, പ്രവര്‍ത്തകര്‍ എന്നിവരായ ഫൈസല്‍ വടക്കേകാട്, ഉസൈൻ, ഷാഫി കോതമംഗലം, ഷിയാസ്, ജിഷബ് കോക്കൂര്‍, ഷാഫി കണ്ണൂര്‍, സാദിഖ് കോഴിക്കോട് എന്നിവര്‍ ആശംസകള്‍ നേര്‍ന്നു. സലീം മറുപടി പ്രസംഗം നടത്തി. സംഘടനയുടെ ഉപഹാരം സലീമിന് കൈമാറി.
