മസ്കറ്റ്: ഒമാനിലെ അല് ദഖിലിയ ഗവര്ണറേറ്റില് ഏഷ്യൻ പൗരത്വമുള്ള മൂന്നു സ്ത്രീകള് റോയല് ഒമാൻ പോലീസിന്റെ പിടിയില്.
പൊതു ധാര്മ്മികതയ്ക്ക് വിരുദ്ധമായ പ്രവൃത്തികള് ചെയ്തെന്ന കേസിലാണ് ഈ മൂന്ന് സ്ത്രീകളേയും പോലീസ് അറസ്റ്റ് ചെയ്തത്.
ഇവര്ക്കെതിരെ വിദേശ കുടിയേറ്റ സ്ഥിര താമസ നിയമം ലംഘിച്ചതിനെതിരെയും റോയല് ഒമാൻ പോലീസ് കേസ് എടുത്തതായി അല് ദഖിലിയ ഗവര്ണറേറ്റ് പോലീസ് കമാൻഡ് അറിയിച്ചു. പോലീസ് പിടിയിലായ ഏഷ്യൻ സ്ത്രീകള്ക്കെതിരെയുള്ള നിയമ നടപടികള് പൂര്ത്തീകരിച്ചു വരുന്നുവെന്നും പ്രസ്താവനയില് അറിയിച്ചിട്ടുണ്ട്.