ഒമാനില്‍ സ്വകാര്യമേഖലയിലെ ജീവനക്കാര്‍ക്ക് നിര്‍ബന്ധിത ആരോഗ്യ ഇന്‍ഷുറന്‍സ് അടുത്ത വര്‍ഷം മുതല്‍ പ്രാബല്യത്തില്‍ വരും. ദമാനി’എന്ന പേരിലാണ് പദ്ധതി നടപ്പിലാക്കുകയെന്ന് ഒമാനി മെഡിക്കല്‍ അസോസിയേഷന്‍ പ്രസിഡന്റ് ഡോ. വലീദ് അല്‍ സദ്ജലി അറിയിച്ചു. ഒമാന്‍ ഹെല്‍ത്ത് എക്സിബിഷനും കോണ്‍ഫറന്‍സും സംബന്ധിച്ച വാര്‍ത്താ സമ്മേളനത്തിലാണ് ഇക്കാര്യം അറിയിച്ചത്.
ഒമാനില്‍ പ്രവര്‍ത്തിക്കുന്ന വിവിധ വിഭാഗത്തിലുള്ള സ്വകാര്യ കമ്ബനികളെ ഉള്‍പ്പെടുത്തി ഘട്ടംഘട്ടമായി പദ്ധതി ആവിഷ്‌കരിക്കും. പദ്ധതി പ്രകാരം, സ്വകാര്യ മേഖലയിലെ ജീവനക്കാര്‍ക്കും അവരുടെ ആശ്രിതര്‍ക്കും നിര്‍ബന്ധിത ആരോഗ്യ ഇന്‍ഷുറന്‍സ് പരിരക്ഷ ലഭിക്കും. ഒമാനിലേക്കുള്ള വിനോദസഞ്ചാരികളെയും സന്ദര്‍ശകരെയും പദ്ധതിയുടെ പരിധിയില്‍ കൊണ്ടുവരും.
