കുവൈത്ത് സിറ്റി: മഹബൂലയില്‍ പ്രവാസിയെ ക്രൂരമായി ആക്രമിച്ച്‌ കൊള്ളയടിച്ച സംഭവത്തില്‍ പ്രതി അറസ്റ്റില്‍. കുവൈറ്റ് ആഭ്യന്തര മന്ത്രാലയത്തിന്റെ പഴുതടച്ച അന്വേഷണത്തിലാണ് പൗരത്വ രഹിതനായയാളെ പിടികൂടിയത്.
സംഭവത്തില്‍ പ്രതിയുടെ കൂട്ടാളികളായവരെ കണ്ടെത്താനുള്ള തിരച്ചില്‍ ഊര്‍ജ്ജിതമാണെന്ന് അന്വേഷണ ഉദ്യോഗസ്ഥര്‍ അറിയിച്ചു.
വാഹനത്തില്‍ എത്തിയ രണ്ട് പേര്‍ പ്രവാസിയെ ക്രൂരമായി ആക്രമിക്കുന്ന ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിച്ചതോടെയാണ് ആഭ്യന്തര മന്ത്രാലയം അന്വേഷണം ആരംഭിച്ചത്. സ്വദേശി വനിതയാണ് ആക്രമണ ദൃശ്യങ്ങള്‍ പുറത്തുവിട്ടത്. ഇത് വൈറലാവുകയും ചെയ്തിരുന്നു.
