കുവൈത്ത് സിറ്റി: ഫാറൂഖ് കോളജ് ഹെല്‍ത്ത് സെന്ററിനോടനുബന്ധിച്ച്‌ ഫോസ ചാപ്റ്ററുകള്‍ ചേര്‍ന്ന് രൂപവത്കരിച്ച ഡയാലിസിസ് സെന്ററിനുള്ള ഫോസ കുവൈത്തിന്റെ ധനസഹായം പ്രസിഡന്റ് മുഹമ്മദ് റാഫി കോളജ് പ്രിൻസിപ്പല്‍ ഡോ. ആയിഷ സ്വപ്നക്ക് കൈമാറി.
11 ഡയാലിസിസ് മെഷീനില്‍ കോളജ് പരിസരത്തെ രോഗികള്‍ക്ക് സൗജന്യമായാണ് ഡയാലിസിസ് സേവനം നല്‍കുന്നത്. രോഗികള്‍ക്കായി കുവൈത്ത് കമ്മിറ്റി മുൻ പ്രസിഡെന്റ് കെ.വി. അഹമ്മദ് കോയ നല്‍കിയ ആംബുലൻസ് സേവനവും സെന്ററില്‍ സംജ്ജീകരിച്ചിട്ടുണ്ട്.
വിവിധ ഫോസ ചാപ്റ്ററുകള്‍ നല്‍കുന്ന സഹായങ്ങളിലൂടെയാണ് സെന്ററിന്റെ പ്രവര്‍ത്തന ഫണ്ട് കണ്ടെത്തുന്നത്. ചടങ്ങില്‍ ഫോസ കുവൈത്ത് മുൻ പ്രസിഡന്റ് കെ.വി. അഹമ്മദ് കോയ, സെൻട്രല്‍ കമ്മിറ്റി പ്രസിഡന്റ് കുഞ്ഞലവി, സെക്രട്ടറി യൂസഫ് അലി, ഫോസ കോഓഡിനേറ്റര്‍ ഇ.പി. ഇമ്ബിച്ചികോയ, മുൻ പ്രിൻസിപ്പല്‍ കുട്ട്യാലികുട്ടി, മാനേജ്മെന്റ് കമ്മിറ്റി ട്രഷറര്‍ മുഹമ്മദ് അലി പി.കെ. എന്നിവര്‍ സന്നിഹിതരായിരുന്നു.
