മസ്കത്ത്: പോലീസിനെ ഭയന്ന് രക്ഷപ്പെടാൻ ശ്രമിച്ച രണ്ടു പേര്ക്ക് ദാരുണാന്ത്യം. വാഹനാപകടത്തിലാണ് ഇരുവരും മരിച്ചത്.
ഒമാനിലാണ് സംഭവം. സലാല വിലായത്തില് റോയല് പോലീസിന്റെ പിടിയില് നിന്നും രക്ഷപ്പെടാൻ ശ്രമിക്കുന്നതിനിടെയാണ് ഇവര്ക്ക് അപകടം സംഭവിച്ചത്.
റോയല് ഒമാൻ പോലീസ് പിടികൂടാൻ ശ്രമിച്ചത് ക്രിമിനല് കേസില് സംശയിക്കുന്ന ഒമാൻ സ്വദേശികളെയാണ്. വാഹനം ട്രാഫിക്കിന്റെ എതിര് ദിശയില് ഓടിച്ചു രക്ഷപ്പെടാൻ ശ്രമിക്കവേ, മറ്റൊരു വാഹനവുമായി കൂട്ടിയിടിച്ചാണ് അപകടം ഉണ്ടായതെന്ന് റോയല് ഒമാൻ പോലീസ് അറിയിച്ചു.
സംഭവത്തില് കൂടുതല് തെളിവുകള് ശേഖരിക്കുന്നതിന് പബ്ലിക് പ്രോസിക്യൂഷനുമായി ഏകോപിപ്പിച്ച് നടപടിക്രമങ്ങള് പുരോഗമിച്ചു വരികയാണെന്നും പോലീസ് കൂട്ടിച്ചേര്ത്തു.