കുവൈത്ത് സിറ്റി: യൂത്ത് ഇന്ത്യ സാല്‍മിയ ‘പൊരുതുന്ന ജനതക്കൊപ്പം’ എന്ന തലക്കെട്ടില്‍ ഫലസ്തീൻ ഐക്യദാര്‍ഢ്യ സദസ്സ് സംഘടിപ്പിച്ചു.
സാല്‍മിയ സെൻട്രല്‍ ഹാള്‍ ഓഡിറ്റോറിയത്തില്‍ പരിപാടി യൂത്ത് ഇന്ത്യ പ്രസിഡന്റ് മഹ്നാസ് മുസ്തഫ ഉദ്ഘാടനം ചെയ്തു. യൂനിറ്റ് പ്രസിഡന്റ് മുനീര്‍ താഹ അധ്യക്ഷത വഹിച്ചു. യൂത്ത് ഇന്ത്യ എക്സിക്യൂട്ടീവ് അംഗം ഡോ. അലിഫ് ഷുക്കൂര്‍ ഫലസ്തീൻ സമ്ബൂര്‍ണ ചരിത്രം അവതരിപ്പിച്ചു.
കെ.ഐ.ജി സാല്‍മിയ ഏരിയ പ്രസിഡന്റ് ആസിഫ് ഖാലിദ്, ഐവ സാല്‍മിയ ഏരിയ പ്രസിഡന്റ് ഹഫ്സ ഇസ്മാഈല്‍, വെല്‍ഫെയര്‍ കുവൈത്ത് എക്സി. അംഗം സഫ്‌വാൻ നിസ്താര്‍ തുടങ്ങിയവര്‍ പങ്കെടുത്തു. ശഫീഖ് ബാവ ഫലസ്തീൻ ഐക്യദാര്‍ഢ്യ കവിതയും, മഹ്‌റൂഫ് മുഹ്‍യിദ്ദീൻ സമാപനവും പ്രാര്‍ഥനയും നടത്തി. യാസീൻ നിസാര്‍ ഖിറാഅത്ത് നടത്തി.
ജവാദ് അമീര്‍ സ്വാഗതവും ശഫീഖ് ബാവ നന്ദിയും പറഞ്ഞു. മുനീര്‍, ശഫീഖ്, ജവാദ്, അൻസാര്‍, ദില്‍ഷാദ് എന്നിവര്‍ പരിപാടിക്ക് നേതൃത്വം നല്‍കി.
