കുവൈത്ത്സിറ്റി: ചെമ്ബ് കേബിള് മോഷണം നടത്തിയതിന് രണ്ട് വ്യത്യസ്ത സംഭവങ്ങളിലായി നാലു പേര് അറസ്റ്റിലായി. രാജ്യത്തുടനീളമുള്ള ചെമ്ബ് കേബിള് മോഷണങ്ങള് സംബന്ധിച്ച കര്ശനമായ തിരച്ചിലും അന്വേഷണത്തിലുമാണ് പ്രതികള് ക്രിമിനല് സെക്യൂരിറ്റി വിഭാഗത്തിന്റെ പിടിയിലായത്.
പിടിയിലായവര് ഏഷ്യൻ പൗരന്മാരാണ്.
ജലീബ് അല് ഷുയൂഖ് പ്രദേശത്ത് കേബിള് മുറിക്കുന്നതിനിടെയാണ് പ്രതികളിലൊരാള് പിടിയിലായത്. ഇയാളില്നിന്ന് മോഷ്ടിച്ച വസ്തുക്കളും കേബിള് മുറിക്കുന്നതിന് ഉപയോഗിക്കുന്ന ഉപകരണങ്ങളും കണ്ടെത്തി. തുടരന്വേഷണത്തില് മറ്റുള്ളവരും പിടിയിലായി. പ്രതികളെയും പിടിച്ചെടുത്ത വസ്തുക്കളും നിയമനടപടികള്ക്കായി ബന്ധപ്പെട്ട അധികാരികള്ക്ക് കൈമാറി.