സ്വര്‍ണാഭരണങ്ങള്‍ വില്‍ക്കുന്നതിന് ഏര്‍പ്പെടുത്തിയ നിയന്ത്രണങ്ങളില്‍ കുവൈത്ത് വാണിജ്യ മന്ത്രാലയം ഇളവ് വരുത്തി. കുവൈത്തില്‍ പഴയ ഹാള്‍മാര്‍ക്കിങ് മുദ്രകള്‍ പതിച്ച സ്വര്‍ണാഭരണങ്ങള്‍ നിയന്ത്രണങ്ങള്‍ക്ക് വിധേയമായി മെയ് 30 വരെ വില്‍ക്കുവാനും പ്രദര്‍ശിപ്പിക്കുവാനും അനുമതി നല്‍കുമെന്ന് വാണിജ്യ മന്ത്രലായം അറിയിച്ചു.
പുതുക്കിയ തീരുമാനപ്രകാരം പഴയ ഹാള്‍മാര്‍ക്കിങ് മുദ്രകളുള്ള സ്വര്‍ണാഭരണങ്ങളുടെ പൂര്‍ണമായ വിവരങ്ങള്‍ ആഭരണത്തില്‍ രേഖപ്പെടുത്തണമെന്നും ഉപഭോക്തൃ ഡാറ്റ രജിസ്റ്ററില്‍ രേഖപ്പെടുത്തണമെന്നും മന്ത്രാലയം നിര്‍ദേശിച്ചു.
അതോടപ്പം സീല്‍ ചെയ്യാന്‍ ബാക്കിയുള്ള ആഭരണങ്ങള്‍ ഹാള്‍മാര്‍ക്കിങ് സീല്‍ ചെയ്യുന്നതിനായുള്ള അപ്പോയിന്റ്‌മെന്റ് വിവരങ്ങള്‍ അടങ്ങിയ അറിയിപ്പ് കടയുടെ മുന്നില്‍ പ്രദര്‍ശിപ്പിക്കണമെന്നും അധികൃതര്‍ വ്യക്തമാക്കി.
