മസ്കത്ത്: മറുനാട്ടില്‍ മലയാളി അസോസിയേഷന്റെ (എം.എൻ.എം.എ) ആഭിമുഖ്യത്തില്‍ ക്രിസ്മസ്-പുതുവത്സര ആഘോഷം സംഘടിപ്പിച്ചു.
അസോസിയേഷൻ രക്ഷാധികാരി സദാനന്ദൻ എടപ്പാള്‍ ഉദ്ഘാടനം ചെയ്തു. വിജയ കുമാര്‍ അധ്യക്ഷവഹിചു. അസൈബ ഹോട്ടല്‍ അപ്പാര്‍ട്മെന്റില്‍ നടന്ന പരിപ്പാടിയില്‍ നിരവധി പേര്‍ പങ്കെടുത്തു. എം.എൻ.എം.എ അംഗങ്ങളും കുട്ടികളും അവതരിപ്പിച്ച വിവിധ കലാപരിപ്പാടികള്‍ ആഘോഷം അവിസ്മരണീയമാക്കി.
വിവിധ വിഷയങ്ങളില്‍ ബോധവത്കരണ ക്ലാസുകള്‍ നടന്നു. അഡ്വ. പ്രസാദ്, മോട്ടിവേഷൻ സ്പീക്കര്‍ ഡോക്ടര്‍ രശ്മി കൃഷ്ണൻ, യോഗാ തെറാപ്പിസ്റ്റ് മധുമതി നന്ദകിഷോര്‍ തുടങ്ങിയവര്‍ ക്ലാസുകള്‍ക്ക് നേതൃത്വം നല്‍കി. വിജയ് കൃഷ്ണ, ഷാജി കടമ്മനാട്, തുടങ്ങിയവര്‍ ക്രിസ്മസ്-പുതുവത്സര സന്ദേശം നല്‍കി സംസാരിച്ചു. പ്രോഗ്രാം കോര്‍ഡിനേറ്റര്‍ നിഷാ പ്രഭാകര്‍ സ്വാഗതവും അജി കുമാര്‍ നന്ദിയും പറഞ്ഞു. നിര്‍വാഹക സമിതി അംഗങ്ങള്‍ പരിപ്പാടിക്ക് നേതൃത്വം നല്‍കി.
