രാജ്യത്തെ തൊഴില് നിയമങ്ങള് ലംഘിക്കുന്ന പ്രവാസികളെ കണ്ടെത്തുന്നതിനായി ഒമാൻ തൊഴില് മന്ത്രാലയം മസ്കറ്റ് ഗവർണറേറ്റില് പ്രത്യേക പരിശോധനകള് നടത്തി.
മസ്കറ്റ് മുനിസിപ്പാലിറ്റി, റോയല് ഒമാൻ പോലീസ് എന്നവരുമായി സഹകരിച്ചാണ് മന്ത്രാലയം ഈ പരിശോധനകള് നടത്തിയത്. ഈ പരിശോധനകളുടെ ഭാഗമായി തൊഴില് നിയമങ്ങള് ലംഘിച്ച 10 പ്രവാസികളെ അറസ്റ്റ് ചെയ്തതായി മന്ത്രാലയം അറിയിച്ചിട്ടുണ്ട്.
അനധികൃതമായി വഴിയോര കച്ചവടം നടത്തിയവരും ഇതില് ഉള്പ്പെടുന്നു. ഇവർക്കെതിരെ നിയമനടപടികള് സ്വീകരിച്ച് വരുന്നതായി മന്ത്രാലയം വ്യക്തമാക്കിയിട്ടുണ്ട്.
